THUHMA
Unau, mi dangte tan tawngtaina i hmang thin em?
Chutichuan, a tir berin thil dil tawngtaina te, tawngtaina hrim hrim te, tawngtaisakna te, lawmthu sawina te mi zawng zawng tan siamsak turin ka fuih a che.
( 1 Timothea 2:1 )
A CHHUNG THU
Tirhkoh Paulan Timothea hnenah tawngtai dan a zirtir a; chumi zinga tawngtaisakna ( intercession) thu hi tlemin kan thlirho dawn a ni. A lehkhathawn hmun dangah pawh Paulan he thu hi a sawi thin a, ama tan ngei pawh tawngtaisak thin turin a sawm. Lal Isua ngei pawh khan mi dangte tan tawngtaisakna uluk a nei. ( Johana 17 )
Paulan lalte leh thuneitute zawng zawng tan pawh tawngtaisak thin turin a fuih. ( 1 Timo. 2:2 ) Mi ropuite chu an inah kala tawngtaisak tur chuan a remchang lo mai thei. Mi thenkhat phei chuan an duh hauh lo vang a. Amaherawhchu, an remtihna dil lovin, ral khat atangin kan tawngtaisak thei. Chu chu an hnial thei lo va, min khapbet thei hek lo.
Kan tawngtaisak thu hi anni chuan hre lo mahse, Pathianin a hria a, keinin kan hre bawk a, a tha tawk a ni. Khavel pum huapa rawngbawltu hming thangte pawh hian tawngtaisaktu tam tak an nei. Billy Graham- a leh John C. Maxwell- a ten an rawngbawl hlawhtlinna chu, Pathian hnenah thahnemngai taka lo tawngtaisak thintute vang a nih thu an sawi.
TLANGKAWMNA
Unau duh tak, rawngbawl dan chi hrang hrang zinga pawimawh ber pakhat, ringtu zawng zawngte tih theih, mi dangte tana tawngtaisakna hi nasa taka hmang thintu i lo nih a, nangmah ngei pawhin Pathian malsawmna ropui zawk i lo dawn ngei theih nan, Lalpan a thu malsawm rawh se.
( Amen)
