THUHMA
Pathian venhimna ropui tak azarah kumin AD 2024- ah hian Zawlbuk Mission ( ZM) piancham vawi 6-na chu kan lo hmang zo ta a, Lalpa hming fakin awm rawh se. Kum tin deuh thaw a puanchamah thlirletna tawi kan tichhuak thin. Nikum AD 2023 kum khan kan tichhuak ta lo va, kuminah pawh hian a hun pelh hnuah chauh kan han tichhuak thei hram a ni e.
AD 2018 January 24 .
2. A CHANGTHLAN
Matthaia 28:19-20
3. A THILTUM
(1). Piangthar ( born again) an punna tura Chachin Tha puan zel,
(2). Krista hnungzuitu tha an pun zel theih nan
Pathian thu zirtir,
(3). Ram leh khawtlang tana mi tangkai an pun zel nan thu tha inhrilh,
(4). Zo nun mawi vawng nung zel tura inkawhhmuh
4. CHHIARTUTE
Chhiartu a neih zawng zawng chu mi 4600 an ni. Active member erawh mi 400 atanga 800 vel niin a lang. Khawvel ram hrang hranga Zofate, mi chi hrang hrang kan ni. Thuziak hian thlirtu a neih dan a inang lo hle. Thlirtu neih tlem tum chu mi (20) vel an ni a, a tam chang chuan (1000) te, a tam ber tumin mi (2500 ) an ni.
5. THUCHHUAH DINHMUN
Kum khat leh kum khat thuchhuah tam dan a in ang lo. A chhuah tlem ber kum AD 2021 kum khan vawi (27) chauh a chhuak. A tam ber kum AD 2019 kum khan vawi (132) a chhuak. Vawiin thlenga thuchhuak tawh zawng zawng hi vawi (629) a ni. Thuchhuak hi chi (7) in a then theih. Chungte chu: sermon tawi, Vawiin tana tawngtai hla, Pathian Thutiamte, Thufing Tawi, article leh hriatzauna te an ni.
6. LAWMTHU LEH SAWMNA
Zawlbuk Mission member: a chhung thu lo thlir, ngaithla, like, comment- tute avangin Pathianin vawiin thlengin a tinung a ni a, in zavaia chungah lawmthu kan sawi a, Lalpa hming kan fak a ni. Hma lamah pawh lo chhunzawm zel tur leh min tawngtaisak thin turin kan sawm bawk che u a ni.
Regular- a chhiar thin mi pakhat chuan heti hian min hrilh a, ” ZM hi ka chhiar thin nain like leh comment erawh ka ti ngai lo, ” a ti. Rawngbawltu senior pakhat pawhin, ” ZM- a i thu te hi ka lo en ve thin a nia, “‘tih thu min hrilh chuan like leh comment zingah a hming ka hmu ngai si lo va, rin loh takte pawhin an lo en ve chu a nih awm hi ka ti ve ta a ni.
Kum 6 – lai a lo ni ve ta bawk a, ni danga ka la sawi chhuah ngai loh te han sawi ta ila. ZM member tan hian ka tawngtai ve thin a, an hming like leh comment – a ka hmuh te phei chu hming lamin ka tawngtai thin a ni. Nangni pawhin min dilsak a, kei pawhin ka lo tawngtaisak thin che u a, kan indilsak tawn zel dawn nia.
7. LUAN CHHUAHNA
Tam chu sem chhuak thei lo mah ila, ZM hian Pathian malsawm a dawn zel theih nan kan chhungkuain ZM pual hian sum kan khawl a. Chung sum chu rethei leh tanpui ngai tan te, Pathian ramzauna ramthim rawngbawlna atan te leh rawngbawltu mimal hnena rinna thlaichi tuh atan te tawngtai chunga sem chhuah a ni.
TLANGKAWMNA
Pathianin khawvel hripui (COVID- 19) te min hnehsakin, kan dam kum min pawhaeisak hi ama tana rawng kan bawl nan a ni. Chuvangin, kan theih ang tawka tamin kan Pathian ram zau nan, a ropui nan leh amah chawimawia a awm nan Lalpa rawng hi i bawl zel ang u.
Lalpan malsawm rawh se.
( Amen)
