Zawlbuk Mission Din Chhan
“Mizo tlawmngaihna hre chunga, Pathian ram zauna tura ringtute infuihtawnna” atan Zawlbuk Mission hi din a ni. Inpui tha tak sakna atan a kila lung pawimawh a nih phak loh pawhin lung tlang khat nih erawh a hauh tlat dawn a ni.
Zawlbuk Mission Thiltum te :
1. Piangthar (born again) an punna tura Chanchin Tha puan zel.
2. Krista hnungzuitu tha an pun theih nan Pathian Thu zirtir.
3. Ram leh khawtlang tana mi tangkai an pun nan thu tha inhrilh.
4. Zo nun mawi vawng nung zel tura inkawhhmuh.
5. Khawvel pumah leh hnam tin zingah Lalpa Lalram a zau nana hmalak zel.
Founder Chanchin Tawi
Founder, Rev. Thomas Lalrothanga hi Myanmar ramah sawrkar school zirtirtu PAT leh JAT hna kum 4 a thawh hnuin, Methodist leh Wesleyan kohhranah te pastor hna kum 25 thawkin Local Pastor, District Superintendent leh National Superintendent hna te a chelh hnuah tunah Mizo Wesleyan Church, Maryland, USA-ah pastor hna Lalpan a chelhtir mek a ni. Kum 30 chuang pastor hna chelh Lalpa rawng bawl mek a ni.
Myanmar Wesleyan Church, National Headquarters Office in thla tin a tih chhuah, Wesleyan News magazine editor hna a lo vuan ve thin tawh bawk a, lehkhabu hi bu lian deuh, bu te deuh leh lehlin te chhiarin bu (10) a buatsaih ve tawh bawk a ni.