THUHMA :-
Unau, chhandamin i awm tih i hre fiah tawh em? ( He thu hi Billy Graham- a ziak a remchan anga lehlin leh tlem belhchhah a ni e. )
” Tu pawh Lalpa hming lam apiangte chu chhandamin an awm ang, ” tih a ni a.
A CHHUNG THU
Lal Isua Krista leh ringtute an intawn dan kawng chhawng (7), Billy Graham- a sawi chu:-
1. Lal Isua Krista hi i nunin a mamawh tak zet tih i hre chiang hle tur a ni.
2. Kraws thuchah laimu hi i hrefiah ngei tur a ni. Chu chu : sual avangin, misual dinhmunah Krista a thi a; nangmah ngei pawh ama rual khan i thi ve tawh tih i hriat fiah hnuah chauh lungawina hnar chu i lo chhar chhuak ve dawn a ni.
3. Lal Isua chhandamna man tamzia hi i chhiar thiam ngei tur a ni.
4. Isua Krista hi i Lal leh Chhandamtu a nih thu i puang chhuak ngei tur a ni.
5. Pathianin i hringnun pumpui hi a tihdanglam vek i duh ngei tur a ni.
6. Chhandamna i chan hnu chuan, Pathian Thu atang te, tawngtaina atang te leh ringtute inpawlhona atang tein thlarau lam chakna dawn zel chu i chak ngei tur a ni.
7. A chunga kan sawi tak kawngte khi i zawh talh talh zel chuan, Krista annaah i lo thang lian ang a; Krista’n nangmahah hna thawk zel chungin, nangmah atangin midangah pawh hna a thawk chhunzawm zel bawk dawn a ni. Kan Pathian hming fakin awm rawh se.
KHB No. 286, chang 1-na:-
“Krista rawn pan la, bo rei duh lovin,
Lalpa aw nem chuan a ko che, ngai teh;
Chhandam tur leh tihfaian a zawng che,
Rawn pan thuai ang che, bo rei tawh lovin. “
TLAGKAWMNA
Unau duh tak, Krista kohna chhang a, a chhandamna kawng zawhtu i lo nih ve ngei theih nan, Lalpan a thu malsawm rawh se.
( Amen)
