THUHMA
‘Sweet October’ tiin Zawlbuk Mission chhiartu zawng zawngte chibai ka buk a che u. He October thla hian in hnenah taksa, rilru, thlarau malsawmna thar rawn hlan che u rawh se.
A CHHUNG THU
Bible Sunday- a sak chi hla tha, Kristian Hla Bu( KHB) ah leh Mizo hla phuah thiam thangthar te atangin kan nei nual tawh a, kan thlarau nun an chawm em em a ni. Tun hnaiah hian, Idia ram, Manipur state- a kan unau, Paihte hla phuah thiam leh zai thiamten, “Phatna Luagkhawm” ( Fakna Luangkhawm) an ti chhuak thin a, a Vol. 4- naah,
“Aw Ka Bible” hi a awm.
A hla phuahtu T Pumkhothang- a hian a thu leh a thluk tha leh mawi taka a duan chhuah chu zai thiam, Hoineilam Haokip- in thiam takin a sa. Vawi khat ngaithla tawh tan ngaihthlak nawn loh phal chi a ni lo. Kei pawhin vawi duai lo ka ngaithla nawn a, Mizo tawnga neih ve ka chak hle. A phuahtu hnenah lehlin phalna dil hnuah, Mizo zaithiamten sa ve se, thlarau lama hlawkpuitu tam tak an awm ngei ang.
Tun tumah hian, ka Teddim ( Paihte) tawng thiam a beitham hle tih hre chungin, ka theih ang tawkin ka han letling ( translate ) ve a. Hei hi a thluk nena sak nghal mai theih chu nimahse, duan chhinna ( drafting) ang chauh a la ni. A chunga sawi tak ang khian, a phuahtu phalna lain, hla phuah thiamten, uluk zawkin hla thute ( poetical words ) hmangin letlingin zai thiamte nen pho chhuak thei se a duh awm khawp ang.
Keiman a hla hi ka ngainat a vangin, la ngaithla rih loten lo hmelhriat ve se tia duhsakna vangin Zawlbuk Mission- ah hian ka han ziak ve mai a ni. A Full Album pawh ngaithla turin kan in duhsak a, hla tha leh mawi tak tak a tam khawp mai. Zofate hi kan tawng hrang deuh hlawm angin lang mahse, unau chhul khat chhuakte kan nih avangin kan tawngte hi a inhnaih em em a; Pathian hlaah phei hi chuan kan intuipui thei zel a ni.
A original chu chang (3) leh a thunawn a awm a, hetiangin:
1. Aw ka Bible ka lampi a hi,
Keia dia ka ki etna,
Nisimin ka vak a hi,
Tung Pathian aw ka zakna mun;
Khuaizu bang maia a khum pen zaw,
Aw ka Bible, Aw ka Bible ahi
Aw ka Bible ka hinna leh,
Ka sianthouna lampi hi;
Bang kima ka bangkim leh ka ki ngakna,
Tung Pathian kilakna bukim;
Ki dang ngei lou, ki khel ngei lou,
Aw ka Bible, Aw ka Bible ahi
2. Leitung mite’n a simmawh zongin,
Lei mite’n a dou zongin,
Kei a din ka Bible hi;
Lian sem ding aw a lian sem ding;
Bei ngeilou in aw a lian sem ding,
Aw ka Bible, Aw ka Bible ahi
3. Hinna laibu a singthou pen hi,
Nun takna bukim ahi;
Sa leh kha a din damna,
Mizata dia ki ching nunna,
A umte ding a ki ching damna,
Aw ka Bible, Aw ka Bible ahi.
Keiman Mizo tawnga thiam ang tawka ka lehlin ve chu:- ( Tih dik loh leh thiam lohnaah ngaihdam ka dil nghal e)
1. Aw ka Bible ka kawngpui a ni,
Kei ka tan ka darthlalang,
Nitinin ka thlir reng thin,
Chung Pathian aw ka hriatna hmun;
Khawizu ang maia thlum ber mai chu,
Aw ka Bible, Aw ka Bible a ni.
Aw ka Bible ka nunna leh,
Ka thianghlimna kawngpui chu;
Engkima ka engkim leh ka innghahna,
Chung Pathian inpuanna famkim;
Danglam ngai lo, thlakthleng ngai lo,
Aw ka Bible, Aw ka Bible a ni
2. Khawvel miten an ngaithiam lovin,
Lei miten do thin mahse,
Kei ka tan ka Bible hlu;
A lian zel ang, a ropui zel,
Chuai tawh lovin aw a lian zel dawn,
Aw ka Bible, Aw ka Bible a ni.
3. Nunna Bible a thianghlim ber mai,
Nun kawng tan famkim ber chu;
Taksa leh thlarau damna,
A hmangtu tan nunna tling chu,
Ringtute tan damna famkim,
Aw ka Bible, Aw ka Bible a ni.
TLANGKAWMNA
Unau duh tak, bi boh taka lehlin he hla i chhiar atang hian; a phuahtu phuah ang anga awm dan ( original song) chu i lo ngaihthlak ve a, thlarau lama Pathian aw leh pawlna thar i chan ve ngei theih nan, Lalpan i tan malsawm ngei rawh se.
( Amen)
